Ejmour an Color

Melim ñan Taktō

Kōmelele ko Jinion

Pepa in melim in (“Melim”) ej kōmelele am (ekkar ñan “kwe” ak “am”), kōjerbale an Color Jerbal ko, jenij lale kauwōtata ko rej jenolọk, jerammōn ko, im joñan teej, lelak uno, rojañ im/ak ritōl ñan bōk uno, rojañ, loe lak taktō ilo armij ak ilo telebon ak jerbal in ejmour ilo pija, im jerbal ko jōt (ippen doon “Jerbal in Ejmour(ko)”) im ej etal ñan Color Health, Inc., ro jej jerbal ippeir im mōttad (“Color”, “jej”, “us” ak “ad”), im am lelak melim ñan Jerbal in Ejmour(ko).

Jerbal an Color

Color emāroñ im kōmman bwe kwōn epāāke taktō ro ilo Color Medical, im/ak taktō ko rejjab koba, jikin jerbal ko, jikin kabbōk uno, im rijerbal ro jōt, aolep ro im ewōr aer māke wāwen jerbal im kakien ko.Jejjab kantūrol ak koba ippen ekatak in uno jān taktō ro, im ej aer eddo ñan lale ejmour im uno ko rej lewaj ñan eok

Bōk Kunam ilo am Māke KōnanA

Am kōjerbale Jerbal ko an Color Healthcare ej am māke kōnan. Ej am kelet in kōjerbale Jerbal in Ejmour ko ad ak ejjab pedped ion lōmnak eo am kin kauwōtata, jerammōn, im joñan teej ko am māke, uno ak jerbal ko jōt, im am kōnaan ippen juōn taktō in ejmour.

Wāwen ko ñan Color Healthcare Services

Emāroñ in wōr am ien kelet teej ko rej jenolọk, uno ak jerbal ko jōt, koba ippen, ak ejjab ñan joñan eo, teej ñan ak uno an nañinmej ko rej kapopo, teej ko rej kadu ak teej ko jōt, im/ak kōnaan ippen juōn jikin taktō ikijen alikkar in teej ko im rejjab ekkā aer walōk

Enij wōr am ien ñan lale kadu in kauwōtata, jerammōn, im jōnan ñan kajojo Jerbal In Ejmour. Kwōj rojañ in kwalok jabdewōt kajitōk ak inepata ippen juōn jikn taktō in am kelet.

Ilo am kelet juōn Jerbal in Ejmour, kwōj kwalok ke emōj an wōr am ien ñan lale kauwōtata, jerammōn, im joñan Jerbal in Ejmour, im ekar wōr am ien ñan kōnaan kaki men kein ippen jikin taktō eo am, ñe kwōj kōnan, im kwōj lelak am melim ñan Color in lelak māroñ ñan jerbal in Ejmour kein emōj am kelet. Ilo jōt case ko, kwe māroñ in kajitōk in lelak elaplọk pepa in melim eo am (waanjoñak., ilo am jeje ak ilo kein jerbal ko) ñan jōt wāwen bōk Jerbal in Ejmour.

Kōjerbale Telehealth Services

Color emāroñ in lewaj am māroñ in kōjerbale telehealth services im kōmman bwe ro rej kōjerbale ñan juōn jikin taktō ñan kōtlak an jikin taktō kein lale melele ko an juōn armij ñan unin lelak jibāñ. “Telehealth services” emāroñ in koba ippen kwalok nañinmej ilo an jab epāāke im lelak uno, jikejuul ien etal, kwalok melele ikijen ejmour, im jerbal ko jōt ejjab an taktō, āinwōt jelālakjān an ri nañinmej. Melele eo kwar lelak emāroñ jerbal ñan kwalok nañinmej, uno, bar etaale im/ak jelālakjān an ri nañinmej. Melele ko ikijen ejmour emāroñ in iwaj ñan eok im jikin eo ej lewaj telehealth ilo jabdewōt koba in men kein: rekoot in ejmour im alikkar in teej; pija im jabdewōt kenono; ruo-ial ainikien im pija; ainikien ko ej koba ippen armij ilo kakwōn im kwalok ñan ro jōt; im melele ko jān kein taktō im ainikien im pija ko.

Kein ko rej bōbrae māke lak im an ejelọk ejellā melele ko ikijen ejmour emāroñ in bar jerbal ilo telehealth. Color ej kōjerbale im kwalok Melele ko an Ejmour im rej Kōjbarok ilo elōñ wāwen ko rej epāāke uno ko am, kōllā ñan lale, im jerbal in ejmour ko ad āinwōt an kōmelele elaplọk ilo Color koHIPAA Notice of Privacy Practices (Kōjjelā in Ekatak ko rej Māke Lak)

Ewōr jerammōn im kauwōtata ilo kōjerbale telehealth. Jerammōn ko remāroñ walok ej koba ippān kōmman bwe en bidodo, laplọk an eman, im jimwe ñan bōk lale ilo ejmour im uno. Telehealth jerbal ko rej bar kōtlak am bukōt lale ilo ien eo rej bidodod ñan eok. Kauwōtata ko rej māroñ walok, ilo an ejelọk joñan

Melele eo ej bellọk ñan jikin telehealth emāroñ in jabwe ñan kwalok ñan ijo ñan kōmman juōn kelet ikijen ejmour eo ejimwe, koba ippān kwalok nañinmej ak uno.
An jikin telehealth jab māroñ kōmman juōn ien etaale ilo-armij emāroñ in jot ien kabōjrak an jikin eo lelak nañinmej rot eo ak uno ak ilo an kwalok aikuj ñan lale eo an ejmour ñan emōjōnji ak uno.
Bwōd ko ilo kein jerbal, āinwōt an jab eman signal ak inepata ko ikijen Intonet, emāroñ in kōmman jorāān ko ilo an walok im wāwen tōpar doon (waanjoñak., ejjab eman pija ak ainikien, ejako an connect, ewōr bar bwōd ko jōt ikijen ainikien) im rej kōmman bwe en ben kenono ko ikōtaam im taktō eo, im emāroñ in tōl ñan jako in melele.

Āinwōt jabdewōt wāwen tōpar doon ilo Intonet, ewōr kauwōtata in kōjbarok. Kein jerbal ko renij ñan kobai kōmanit ko ikijen aunlain im software ñan kōjabarok melele ko an ri nañinmej im enij koba aolep buñtōn ko ñan lale melele im ñan kwalok an kōjbarok.

Armij ro ijelakin ro rej lelak telehealth rej māroñ bar pād ak ewōr aer māroñ ñan melele ko aō ñan ien telehealth ñan jibañ jerbal, bōklọk ak kakāāl jerbal ko an telehealth im kein jerbal ko. Armij rein renij debij kakien ko rej ekkar ikijen māke lak im kōjbarok.

Ij kwalok ñan kein ilal:

Ewōr aō melim ekkar ñan court ñan lelak melim ñan Jerbal in Ejmour.
Ij melele im erra ke Healthcare Services im Color enij kōmman emāroñ jab ekkar ñan jejjo armij ro ewōr aer nañinmej ak kakōlle ko rej jenolọk. Mokta jān aō bōk Jerbal in Ejmour, ewōr aō kar ien kōnaan ippen jikin taktō eo aō.
Ij melele im errā ke enij itok ñan io im lale melele ko kin Jerbal in Ejmour, koba ippen jerammōn, kauwōtata, inepata ko rej māroñ walok ak ta ko rebin, im kelet ko rej oktak ñan ejmour eo aō.
Ij melele ke ewōr aō jimwe in kōnaan ippen jikin taktō eo aō mōkta jān aō kelet ñe bōk Jerbal in Ejmour ak jab bōk Jerbal in Ejmour ko jabdewōt ñe ij kelet ke ijjab aikuj kauwōtata ko remāroñ walok ak ñe ejjab jimwe ñan iō.
Ij melele im errā ke an juōn jikin taktō Ij bō ilo Color eban wōr aō māroñ ñan rekoot in taktō ko aō im ke melele ko aō ikijen ejmour Ij lelak ilo ien loe lak in EJmour eo aō ak telehealth emāroñ in ede eo kein jibāñ kin melele ikijen ejmour eo aō ej jerbal jān jikin ejmour eo ilo ien etaale im letok uno ñan iō.
Ij melele, erra, im lelak melim ñan an Color debij, kōjerbale, kakwōne, ak kwalok ñan armij ro jōt rej aikuj, melele ko kake iō, koba ippen pija eo aō, āinwōt an ekkar ñan lelak jerbal in telehealth. Ij lelak melim in rekoot in taktō ko aō ñan jikin taktō eo aō ak juōn bar jikin ejmour ej kwalok jān iō. Ij melele elaplọk ke enij wōr aō māroñ ñan melele in taktō ko aō ej jemlọk ilo Jerbal in Ejmour ak telehealth kōnaan ānwōt an walok ilo kien eo ekkar ñan ri nañinmej.
Ij melele im errā ke wōn eo ej aō im ta ko emōj an kōmmane an jikin taktō eo enij walok mōkta lak ak ilo ien Jerbal in Ejmour ak ien loelak ilo telehealth. Ilo ien eo im eban jerbal kein jerbal ko, taktō eo aō enij letok buñtōn ko jōt ak melele in bar kwalok.
Ij melele im errā ke, ilo aō jain ñan Jerbal in Ejmour, ij lelak melim ñan jerbal im dedelak jān Jerbal in Ejmour jān Color. {
Ij melele ke ewōr aō jimwe in jab bōk ak jolọk aō melim jān jabdewōt Jerbal in Ejmour im an Color kōjerbale telehealth ilo jabdewōt ien. IJ melele ke ñe inij jolọk melim eo aō ñan Jerbal in Ejmour ak ñan kōjerbale telehealth, eban jelot jerbal ko ad ilju jeklaj im ewōr aō māroñ ie, ak jolọk melim eban jelōt aō māroñ wōnmanlọk in bōk juōn Jerbal in Ejmour eo ejenolọk ñan ñe melim kāāl eo ñan Jerbal in Ejmour eo ej itok.
Ij melele im errā ke Color ko Jerbal in Ejmour im jerbal in telehealth rejjab ñan lale ilo ien jidimkij ak emojonji. Ilo ien eo im juōn emōjōnji ak juōn wāwen elak ñan uno eo ej kamijak, Ij melele ke ij aikuj in kūrlọk 911.
Ij melele kin kauwōtata ko, jerammōn, im jōñan jerbal in telehealth āinwōt an kōmelele ilōñ.
Ij kile ke emōj aō bōk im wōr aō ien ñan lale Color koWāwen Jerbal,Kakien in Māke Lak, im HIPAA Kōjjelā in Māke Lak.
Ij melele ke jain eo aō ilo aunlain ewōr an ejja joñan eo wōt ilo jain.

Melim ko Rej Jenolọk-an State ñan Telehealth Jerbal ko:

Melele kein ilal rej jerbal wōt ñan ri nañinmej ro rej kōjerbale jerbal in telehealth jān state ko emōj aer laajrak ilal.

New York: Ij melele ke imāroñ kajitōk ippen telehealth kin wāwen kamol license in jerbal eo aer.

Texas:
- KŌJJELĀ KIN INEPATA – Inepata ko kin taktō, āinwōt license ko im ro rekar register ilo Texas Medical Board, koba ippen ri jibañ taktō, rijerbal ro an acupuncture, im rijibāñ mwijmwij, emāroñ in riboot ñan etaale address: Texas Medical Board, Attention: Investigations, 333 Guadalupe, Tower 3, Suite 610, P.O. Box 2018, MC-263, Austin, Texas 78768-2018. Jibāñ ilo file juōn inepata ilo am kūrlọk nōmba eo ilal: 1-800-201-9353, Ñan melele ko relablọk, jouj im lale aunlain ilo www.tmb.state.tx.us.
- AVISO SOBRE LAS QUEJAS – Las quejas sobre médicos, así como sobre otros profesionales acreditados e inscritos del Consejo Médico de Tejas, incluyendo asistentes de médicos, practicantes de acupuntura y asistentes de cirugía, se pueden presentar en la siguiente dirección para ser investigadas: Texas Medical Board, Attention: Investigations, 333 Guadalupe, Tower 3, Suite 610, P.O. Box 2018, MC-263, Austin, Texas 78768-2018. Si necesita ayuda para presentar una queja, llame al: 1-800-201-9353, Para obtener más información, visite nuestro sitio web en www.tmb.state.tx.us.

Utah: Ñan melele ko relaplọk ilo website ilo telehealth oner-rijerbal, pepa, im wāwen tōpar, contact support@color.com.

Massachusetts:
- Ñan lelak juōn inepata kake juōn nurse, taktō in lelak uno, ak jikin ebbōk unojouj im loe lak peij in: File juōn inepata ippen Bureau of Health Professions Licensure
- Ñan lelak juōn inepata kake juōn taktō, kwōj māroñ:
  1. File juōn inepata ilo aunlain ilo Board of Registration in Medicine Online Complaint System
  2. Download Board of Registration in Medicine Complaint Form im jilkinlak ñan: Consumer Protection Coordinator, Board of Registration in Medicine, 178 Albion Street, Suite 330, Wakefield, MA 01880.
  3. Download Board of Registration in Medicine Complaint Form im fax e ñan (781) 876-8381.

Kile

Kwōj (a) kamol ke kwōj ri nañinmej, im ej wōr am melim ñan lelak māroñ ilo etan ri nañinmej eo āinwōt eo ej jutak ilo etal ri nañinmej eo ak ri lale eo, (b) kile im bōk kauwōtata ko emōj an kwalok iloñ im jekjek ko rej koba ippen kein kamol an Healthcare Services, koba ippen telehealth services, im (c) lelak melim eo am ewōr melele ñan bōk Jerbal in Ejmour iumin jekjek ko emōj kōmelele ijin.